Gazeta franceze Le Parisien ka publikuar dhjetë futbollistët më të paguar në botë, duke marrë parasysh vetëm fitimet që lojtarët bëjnë për llogari të kontratave me klubet e tyre.
Nëse lista të tilla tradicionalisht dominoheshin nga futbollistët e PSG-së, Real Madridit, Barcelonës dhe gjigantëve të tjerë evropianë, një vështrim në listën e re tregon qartë se ku është formuar qendra e re e pushtetit.
Rreth tetë futbollistë në atë listë të më të paguarve luajnë aktualisht në Arabinë Saudite, një është në Shtetet e Bashkuara, ndërsa Europa ka vetëm një përfaqësues.
Nuk është e vështirë të merret me mend se Lionel Messi vjen nga SHBA. Ish-lojtari i Barcelonës dhe PSG-së nënshkroi për Inter Miami këtë verë dhe fiton 45 milionë euro në vit. Shoku i tij deri vonë, Kylian Mbappe, i cili qëndroi te PSG, fiton 70 milionë euro në sezon. /Elio Hajdari-Sport Ekspres/