Për vite me radhë dominon botën e futbollit së bashku me Mesin, por as ky fakt nuk i ka ndalur kritikat mbi Ronaldon. Ekzistojnë edhe ata tifozë që nuk binden me aftësitë e yllit portugez, gjë të cilën Solskjaer nuk arrin ta kuptojë. Trajneri norvegjez është shprehur se Ronaldo është një nga më të mirët që ka ecur në këtë planet dhe nuk e shpjegon dot se si njerëzit mund ta mohojnë një fakt të tillë.
“Ronaldo është një nga futbollistët më të mirë që ka ecur ndonjëherë në planet. Ndikimi i tij brenda dhe jashtë fushës është i madh. Nuk e di si mund ta mohojnë njerëzit. Unë nuk e shoh kështu. Ronaldo shënon gola, ai punon për ekipin e tij, ai është një profesionist i madh”, ka thënë Solskjaer./Halit Delibashi-Sport Ekspres/