Të shtunën në mesditë luhet El Clasico, supersfida e vitit në Spanjë mes Realit e Barcelonës, ndeshje që vlen sa një sezon dhe këtë radhë vlen shumë edhe për faktin se po fitoi Barcelona, Reali del përfundimisht nga gara për titull që në dhjetor.
Lajmi i mirë për madrilenët është kthimi i gjithë lojtarëve të dëmtuar, por nga ana tjetër ka lindur një problem i ri.
Kristiano Ronaldo nuk është stërvitur ditët e fundit dhe nuk ka dalë as sot në stërvitje me grupin. Nga Reali informojnë se portugezi ka një dëmtim të lehtë, që e ndalon të vrapojë normalisht, ndaj prania e tij në El Clasico është në dyshim të madh. Nëse CR7 mungon, dihet sa humbet Reali në potencial sulmues.