Nëse kërkojmë të gjejmë një model ideal nga Kombëtarja, gjithmonë ndalemi te Burim Kukeli. Ishte ky njeriu i thjeshtësisë, i cili asnjëherë nuk bënte zhurmë në media, por puna e tij te Shqipëria ishte jetësore. Këtë e dinte më së miri De Biazi dhe tifozët ia kuptuar rëndësinë veçanërisht në ndeshjen kundër Zvicrës.
Modeli i flokëve nuk kishte asnjë rëndësi për Kukelin, jepte imazhin e një shqiptari punëtor. Të gjithën këtë eksperiencë të fituar si lojtar, tani Burimi do t’ia transmetojë lojtarëve të rinj. “Sport Ekspres” mëson se 38-vjeçari do të jetë trajneri më i ri i Grashopërs U-21. Një besim i madh i treguar nga drejtuesit e klubit zviceran karshi Kukelit, teksa ekipi i parë i kësaj skuadre ndodhet në elitën e futbollit. /Sport Ekspres/