Trajneri Losha Nozadze ka dalë në konferencën për shtyp para ndeshjes së nesërme. Partizani do të udhëtojë në transfertë për t’u ndeshur me Saburtalon. Ndërkohë tekniku i ekipit gjeorgjian ka treguar se e ka fare të qartë mënyrën sesi të kuqtë do të luajnë, nisur nga përballjet miqësore.
“Partizani ka marrë 8 lojtarë të rinj. Ata kanë luajtur në ndeshje miqësore dhe ne e analizuam. Fizikisht janë të fortë. Refuzojnë të bëjnë presing lart dhe e mbrojnë veten kryesisht duke u vendosur në gjysmëfushë. Mendojmë se do të luajnë vetëm me kundërsulme. Qëllimi ynë është të kontrollojmë topin dhe të shfrytëzojmë shanset tona”, tha trajneri i Saburtalos. /Sport Ekspres/