Mbrëmjen e së dielës titulli kampion u rikthye zyrtarisht te Tirana pas 11 viteve mungesë. Një sukses i madh ky për bardheblutë, ku meritën më të madhe padyshim që e rrëmben Emanuel Egbo. Trajneri i nigerian udhëhoqi Tiranën në një sezon fantastik me një hap të pandalshëm, duke bërë kështu një jehonë të madhe edhe në vendlindjen e tij. Federata e Futbollit të Nigerisë ka përgëzuar Egbonë për trofeun e fituar me bardheblutë, që është edhe i pari i fituar nga një trajner afrikan me një klub europain. Diçka historike kjo që vlen të duartrokitet.
“Ju përgëzoj dhe ju uroj vetëm më të mirat. Është për të thënë se jemi shumë krenar për arritjet e tua të mrekullueshme”, kanë qenë fjalët që vetë presidenti i Federatës nigeriane, Amaju Melvin Pinnick adresoi drejt Egbo, duke marrë edhe përgjigjen falenderuese të këtij të fundit. Madje kreu i pankinës bardheblu në një intervistë për “Sport Ekspres” u shpreh hapur se një ofertë të stolit të Kombëtares së tij do e pranonte me kënaqësi, ndërsa vlerësimet e ardhura prej Nigerisë mund të bëjnë të mendohet se një gjë e tillë nuk do të ishte çudi.
Ndërkohë një letër e Sekretarit të Përgjithshëm të FFN-së, Mohammed Sanusi, është publikuar nga “kick442”, ku nuk kursehen fjalët e mira për trajnerin e Tiranës. Sanusi shprehet se Egbo ia ka dalë të lërë gjurmë tashmë dhe është një shembull që duhet ndjekur nga të gjithë bashkëkombasit e tij.
“Ishte një ndjenjë krenarie e madhe që NFF dhe e gjithë familja Nigeriane e Futbollit mësuan për arritjen tuaj shembullore si trajneri i parë nigerian, i zi dhe afrikan për të fituar një Ligë të madhe Evropiane, pasi ju i keni drejtuar KF Tirana në nivelin më të lartë të kampionatit shqiptar me disa ndeshje të mbetura në sezonin në vazhdim. Në këtë proces, ju u bëtë edhe afrikani i parë që kualifikoi një ekip në garën e UEFA Champions League.
Fakti që KF Tirana nuk ishte në gjendje të fitonte ndonjë trofe që nga viti 2018 deri në ardhjen tuaj në dhjetor 2019 e vendos arritjen tuaj në perspektivën e duhur.
Sigurisht, tiparet e tua të rralla të karakterit të shkathtësisë, besimit të qetë, aplikimit pa shkëlqim dhe madhështi të lehtë, aq të dukshme në ditët tuaja me Ekipin e Parë të Futbollit Kombëtar, Super Eagles, ju drejtuan ju dhe ekipin tuaj drejt lavdisë. Kjo arritje është pa dyshim një shenjë për trajnerët e tjerë nigerianë, përfshirë ish-shokët tuaj në Kombëtare, që duke punuar me dashuri dhe me zell në një mënyrë fisnike, ata me të vërtetë mund të dalin atje dhe të thyejnë tavanin e qelqit proverbial.
Nga ana jonë, ju urojmë juve dhe KF Tiranës një përvojë pasuruese dhe plotësuese në UEFA Champions League, ku do të takoheni me takime shumë më të ashpra, por tashmë keni demonstruar se keni aftësinë të jeni të pafalshëm kur rruga bëhet e vështirë”, shkruhej në letrën e Sekretarit të Përgjithshëm të Federatës së Futbollit të Nigerisë./Halit Delibashi-Sport Ekspres/