Kukësi i Longos është padyshim “surpriza” më e bukur e këtij sezoni. Mes emrave të panjohur, verilindorët po shkëlqejnë me lojën e tyre dhe njëkohësisht me rezultatet e arritura. Nuk kanë një yll të caktuar, por i gjithë grupi i Kukësit bën diferencën. Për të kuptuar qartësisht situatën mjafton që t’i hedhim një sy listës së golashënuesve.
Basha po kryeson këtë listë me 6 gola të shënuara. Ndërkohë në vendin e dytë që mbahet mes shumë lojtarësh që kanë të njëjtin numër golash, 5 të tillë, Kukësi ka edhe aty dy lojtarë si Fejixhao dhe Milunovic. Pra janë tre lojtarë në podiumin kryesor dhe kjo dëshmon më së miri forcën e kësaj skuadre. /Sport Ekspres/