Këtë fundjavë në Kategorinë e Parë do të ketë disa ndryshime në kalendar, pasi do të luhet nga e premtja deri të dielën.
Federata Shqiptare e Futbollit ka zyrtarizuar kalendarin e fundjavës, me Bylis-Pogradeci dhe Naftëtari-Iliria që do të luhen të premten. Ndeshja e Ballshit do të transmetohet në RTSH.
Ndërkaq, të dielën Dinamo-Kastrioti do të luhet në Pezë-Helmës dhe do të transmetohet gjithashtu në RTSH, ashtu si Tomori-Tirana të shtunën.
