Shumë diskutime ka pasur mbi Skukën në ditët e fundit. Verona e ka shprehur hapur interesin për këtë sulmues, por Partizani e refuzoi ofertën e parë. Të kuqtë duan të paktën 1 milionë euro për të lënë të lirë futbollistin e tyre dhe ekipi italian nuk po përgjigjet ende pozitivisht.
Por si për të shtuar zërat e një largimi të mundshëm, vjen një afrimi i ri. “Tuttomercatoweb” raporton se Partizani e ka mbyllur marrëveshjen me lojtarin shqiptar të Den Hag, Fabian Shehaj. Sulmuesi 20-vjeçar është pjesë e të rinjve të Den Hag dhe do të kalojë në huazim tek të kuqtë. /Sport Ekspres/