Manchester United është duke kaluar një periudhë të dobët këtë fillim sezoni, ku përveç asaj fitoreje bindëse në ndeshjen hapëse ndaj Chelsea nuk ka arritur të marrë rezultate pozitive. Interesant është fakti se “djajtë e kuq” kanë lënë më tepër pikë këtë fillim sezoni, se sa rivalët e tyre të qytetit, Manchester City.
United ka humbur 7 pikë në këto 4 javë të para të kampionatit anglez, nderkohë që City ka humbur vetëm 5 të tilla që nga fillimi i vitit 2019. Hapa të gabuara nga “qytetarët” kanë qenë vetëm ajo humbje në transfertë ndaj Neëcastle sezonin e shkuar si dhe barazimi 2-2 në javën e dytë të Premier League kundër Tottenham.
Manchester City e ka rritur shumë nivelin vitet e fundit duke dominuar së bashku me Liverpool në Angli, si dhe duke u klasifikuar ndër ekipet më të mira në Europë. Ndërkohë Manchester United nuk po arrin të gjejë dot formën e duhur për t’u rikthyer në majat më të larta ku ka qenë më parë./Sport Ekspres/