Një ndeshje e pabesueshme u zhvillua dje në Zvicër ku u takuan Basel dhe Zyrih. Në fund, miqtë fituan 0-2, ndërsa vendasit e mbyllën këtë ndeshje me tre lojtarë më pak. Në qendër të vëmendjes ishte Taulant Xhaka për mënyrën e pazakontë sesi e la fushën.
Në minutën e 97-të të ndeshjes Burger ka marrë karton të kuq direkt në skuadrën e Baselit dhe pesë minuta më vonë atij i është bashkuar edhe Taulant Xhaka, por mënyra se si ky mesfushor e ka marrë kartonin e kuq është tema kryesore e mediave europiane.
Xhaka kishte karton të verdhë nga më parë dhe më pas e goditi Nikola Katic me kokë në gjoks, për të cilën gjyqtari i dha kartonin e dytë të verdhë, duke e nxjerrë nga loja.
Kur lojtari i Baselit ishte tashmë në dhomën e zhveshjes, arbitri po shikonte VAR-in dhe, për habinë e të gjithëve, thirri Xhakën të kthehej. Kur të gjithë prisnin kthimin e vendimit erdhi tronditja e madhe.
Xhaka u kthye i lumtur nga dhoma e zhveshjes duke menduar se do të vazhdonte lojën dhe do të shmangte dënimin, megjithëse arbitri mendoi ndryshe.
Ai i ka treguar Xhakës se i është anuluar kartoni i verdhë që i është dhënë për goditjen e Katiçit dhe më pas i ka treguar shqiptarit një karton të kuq direkt dhe i ka treguar sërish rrugën për në dhomën e zhveshjes. /Sport Ekspres/
Taulant Xhaka en modo Zidane! ??pic.twitter.com/p1aoCgfPwV
— Fodboldworld (@fodboldword) May 7, 2023
One of the strangest things I’ve ever seen in football today.
Taulant Xhaka is eventually retrieved from the tunnel after a VAR review to allow the referee to rescind his second yellow card for violent conduct… and give him a straight red instead.
? SRF pic.twitter.com/fMMYZu0i3M
— Craig King – ?????????????EN (@FootballSwissEN) May 7, 2023