E quajn fajtor për krizën, Murinjo nuk e pranon: Refuzova ofertën më të madhe në histori për Romën, nuk jam unë problemi

Roma gjendet në një krizë të madhe rezultatesh. Kritika të shumta kanë vërshuar mbi Zhoze Murinjon, por ky i fundit refuzon të pranojë se është ai problemi i skiadrës. Portugezi u ka kujtuar gazetarëve në konferencë për shtyp se në verë refuzoi ofertën më të madhe në historinë e futbollit për një trajner, në mënyrë që të qendronte në krye të verdhekuqve.

“Kam marrë propozimin më të madh në historinë e futbollit për një trajner. Vendosa ta refuzoja, sepse i thashë bordit të AS Romës, tifozëve dhe lojtarëve që do të qendroja. U dhashë fjalën. Nëse sot ju më thoni se jam unë problemi (i Romës), unë nuk e pranoj”, ka deklaruar Zhoze Murinjo./Halit Delibashi-Sport Ekspres/