Polemika të mëdha kanë pasuar ndeshjen mes Realit të Madridit dhe Almerias. VAR-i ka vendosur fatin e kësaj ndeshjeje, teksa në pak minuta ka anulluar një gol për Almerian dhe ka konsideruar të rregullt golin e barazimit të ekipit të Ançelotit. Trajneri i Almerias ka shfryrë ndaj Realit pas përfundimit të ndeshjes, teksa ka thënë se nuk është hera e parë që i ndodh diçka e tillë në Madrid.
“E panë të gjithë, e pa e gjithë bota atë që ndodhi sot. Nuk është hera e parë që më ndodh kjo këtu. Nuk kam fjalë për ta përmbledhur atë që ka ndodhur sot”, ka deklaruar Gaizka Garitano./Halit Delibashi-Sport Ekspres/