“Telenovela“ për të ardhmen e Elseid Hysajt ka marrë fund. Mbrojtësi shqiptar do të bashkohet me njeriun që e ngriti në majat e futbollit italian, me Mauricio Sarrin. Palët kanë arritur marrëveshjen dhe futbollisti i Kombëtares kuqezi është paraqitur në Formello për të kryer vizitat mjekësore.
Elseid Hysaj ka mbërritur sot në kryeqytetin romak, ku pasi të kalojë me sukses testet mjekësore do të firmosë më pas kontratën 5-vjeçare. Nën urdhërat e Sarrit mbrojtësi shqiptar ka përjetuar momentet më të mira në karrierë dhe diçka të tillë do të përpiqet ta përsërisë edhe në radhët e Lacios./Sport Ekspres/