Liridon Latifi e ka mbyllur zyrtarisht me Vllazninë. Klubi shkodran ka njoftuar ndarjen e rrugëve me pjesëtarin e saj që pritej t’i jepte një dorë të madhe drejt arritjeve të mëdha. Megjithatë kjo nuk ndodhi, teksa Latifi e kaloi kohën mes infermierisë dhe spitalit. Tashmë lojtari e ka mbyllur me Vllazninë dhe është pranë zyrtarizimit me Tiranën.
“KF Vllaznia dëshiron të njoftojë se nga sot është mbyllur bashkëpunimi me futbollistin Liridon Latifi. Ne e falenderojmë për gjithçka ka dhënë për skuadrën tonë gjatë këtyre dy viteve, shoqëruar edhe me fitimin e një trofeu të Kupës së Shqipërisë dhe njëkohësisht i urojmë suksese në karrierën e tij të mëtejshme”, shkruhet në reagim. /Sport Ekspres/