E gjithë vëmendja për tifozët shqiptarë në mbrëmjen e sotme, ashtu si kudo në Europë, ishte përqendruar te spektakli i Real Madrid-Barcelona. Megjithatë teksa po zhvillohej “El Clasico”, edhe pse i mbetur në hije për shkak se e gjithë vëmendja ishte në Spanjë, Zhegrova ka shkëlqyer në debutimin e trajnerit të ri te Bazeli, Rahmen.
Ky i fundit i besoi nga minuta e parë në përballjen kundër Luzernit që përfundoi në mënyrë dramatike në shifrat 3-4. Goli i fundit i Zhegrovës me Bazelin ishte pikërisht ndaj Luzernës, në datën 13 mars. Sa i përket takimit, miqtë e kanë fituar falë golit të Cabral në minutat e fundit. /Elio Hajdari-Sport Ekspres/