Nedim Bajrami ka arritur që të realizojë golin e radhës në Serinë A. Mesfushori shqiptar tundi rrjetën që në minutën e 5 kundër Lacios për t’i dërguar shifrat në 0-1. Thomas Strakosha do të gabonte duke shkaktuar penallti.
Nga 11-metrat, Bajrami ishte gjakftohtë dhe e dërgoi topin në një krahë dhe Strakoshën në tjetrin. Te Empoli po luan nga minuta e parë edhe Ardian Ismajli, ndërsa te Lacio ndodhet edhe Elseid Hysaj. /Sport Ekspres/