Sot në orën 13:00 ka nisur shorti i fazës “play off” të Europa League-s në Nion të Zvicrës. Goglat kanë thënë fjalën e tyre dhe kanë përcaktuar se cilat ekipe do të përballen me njëri-tjetrin në këtë fazë të kompeticionit.
Kështu fituesi i çiftit Shamrok Rovers-Shkupi do të përballet me humbësin e çiftit Karabak-Ferencvarosh. Ndërkohë, nëse Sherif Tiraspoli dështon të kalojë turin në Champions League, atëherë në Europa League do të përballet me humbësin e çiftit Crvena Zvezda-Pjunik./Halit Delibashi-Sport Ekspres/