Klubi i Tiranës konfirmoi ditën e sotme se do t’i nënshtrohen testeve për Covid-19 pas zhvillimit të ndeshjes kundër Bylisit, lojtari i të cilëve rezultoi mbartës i virusit. “Procesi sportiv“ ka zbuluar edhe dokumentin e Ministrisë së Shëndetësisë në lidhje me këtë vendim, në të cilën shkruhet se ekipi bardheblu duhet të kryejë testimet e nevojshme ditën e dielë, në 7 qershor. Kjo datë përkon edhe me ndeshjen e radhës së Tiranës, që për më tepër luhet në transfertë në stadiumin e Gjirokastrës.
Por në dokument kërkohet gjithashtu edhe shtyrja e ativitetit sportiv për klubin kryeqytetas. E gjitha kjo deri në momentin që të ketë përfunduar hetimi epidemiologjik. Ky i fundit zgjati pak me ekipin e Bylisit dhe një gjë të ngjashme do të dëshironin edhe te bardheblutë. Por në të kundërt situata do të nisë të bëhet kaotike dhe e pakëndshme për Tiranën dhe për futbollin shqiptar./Halit Delibashi-Sport Ekspres/
