Në ditën e sotme është zhvilluar një takim i dytë mes FSHF-së dhe Ministrisë së Shëndetsisë. Në kryeqendër të këtij takimi ka qenë rinisja e aktiviteteve sportive, ku është folur më shumë për aspektin teknik.
Kjo raportohet nga ana e Procesit Sportiv, ndërsa gjithashtu thuhet se vazhdon të mbetet në fuqi data 18 maj. Pra kjo do të jetë koha kur ekipet priten të dalin në stërvitje, ndërsa nga ana tjetër FSHF ka lënë datën 31 maj si afatin e fundit për të nisur kampionatet sportive. Ajo që pritej ishte një përshpejtim i datës kur skuadrat të dilnin në stërvitje, por mesa duket një gjë e tillë nuk ka ndodhur. /Sport Ekspres/