UEFA vendosi që Rusisë t’i hiqte finalen e Champions League pas gjithë situatës së shkaktuar në ditët e fundit. Nuk mbyllet me kaq, pasi të tjera dënime po vijnë. Së fundmi Qeveria e Futbollit Europian ka vendosur që të gjitha ekipet ruse që luajnë në Europë, së bashku me Kombëtaren, të mos luajnë në shtëpinë e tyre ndeshjet, por në një terren neutral.
Ky vendim do të jetë në fuqi deri në një vendim të dytë të UEFA-s. Kjo do të thotë se nëse vazhdon ende që të mos ndryshohet vendimi, ndeshja e Ligës së Kombeve mes Rusisë dhe Shqipërisë do të luhen në një terren neutral. Përballja mes dy Kombëtareve është e programuar të zhvillohet në datën 13 qershor dhe kjo do të ishte ndihmë jo e vogël për kuqezinjtë. /Sport Ekspres/