Mauro Ikardi ka pasur një ndikim të jashtëzakonshëm për Gallatasarain, për të cilët dha një kontribut thelbësor për fitimin e titullit kampion. Sulmuesi argjentinas shënoi 22 gola dhe dha 7 asiste në kampionat, duke pasur merita kryesore te verdhekuqtë.
Por sirenat e largimit kanë nisur të bien për Mauro Ikardin dhe drejtuesit e klubit turk kanë nisur të mendojnë për pasardhësin e tij. Mediat turke raportojnë se Gallatasarai dëshiron Armando Brojën në majën e sulmit. Kupola drejtuese e klubit kampion e sheh sulmuesin shqiptar si njeriun e duhur që mund të zërë boshllëkun që do të lërë Ikardi./Halit Delibashi-Sport Ekspres/