Nedim Bajrami është një nga lojtarët më të rëndësishëm të Empolit. Futbollisti shqiptar ka cilësi mjaft të mira teknike, çka e bëjnë të dëshiruar për shumë skaudra. 23-vjeçari po lë gjurmët e tij edhe në Serie A dhe ofertat për të pritet të mos mungojnë, duke marrë parasysh faktin se momentalisht është xhevahiri më i çmuar për Empolin.
Në dyert e klubit italian pritet të trokasin jo vetëm nga Serie A, por edhe nga Gjermania. Sipas asaj që raportohet në Itali, Bajrami ka tërhequr interesin e Lacios, që me shumë mundësi do të hidhet në aksion që në muajin janar. Ndërkohë mesfushori shqiptar pëlqehet edhe nga Unioni i Berlinit, megjithëse një ofertë e tillë ndoshta nuk do të bindte Nedim Bajramin./Halit Delibashi-Sport Ekspres/