E bujshme/ “Në hetim” padrejtësia kundër Shqipërisë nga FIFA, “Daily Mail”: Katar po ndihmohej nga arbitrat në miqësore, merrnin shumë penallti

Skandale të ndryshme po vijnë nga Katari teksa po afron edhe Botërori. Një lajm që do të trondiste botën erdhi nga një gazetar arab i cili u shpreh se janë blerë tetë lojtarë nga Ekuadori që ndeshja hapëse të përfundojë me shifrat 1-0 në favor të Katarit.

Me shumë mundësi bëhet fjalë për një të pavërtetë, por nuk qëndron edhe aq jashtë logjikës. “Daily Mail” shkon më tej duke u shprehur se FIFA ka marrë informacione të ndryshme për miqësoret e fundit të Katarit.

Vendasit kanë marrë një numër të pazakontë të penalltive në favor, ndërsa kanë luajtur 11 miqësore për t’u përgatitur për Botërorin që nga korriku. Dyshimet janë se Katari ka blerë arbitrat për t’i ndihmuar që të kenë rezultate sa më të mira, për të blerë suksesin dhe rritur psikologjinë, ndërsa u morën katër fitore radhazi së fundmi mes Guatamelës, Hondurasit, Panamasë dhe Shqipërisë.

Për më tepër asnjë prej këtyre ndeshjeve nuk u transmetua në televizion, ishte me dyer të mbyllura dhe informacioni për to ishte shumë i pakët. Madje edhe në ndeshjen ndaj Shqipërisë janë ngritur shumë dyshime nga vetë lojtarët e kuqezinjëve për penalltinë e dhënë në favor të Katarit, për një penallti të pastër që nuk iu dha Hadrojt dhe për një gol të saktë të anuluar për Tedi Carën, që iu quajt si pozicion jashtë loje. /Sport Ekspres/

Leave a Reply

Your email address will not be published. Required fields are marked *

where can i buy doxycycline over the counter buy doxycycline online