Milot Rashica ishte një temë e nxehtë në merkaton e verës, por në fund asgjë nuk u konkretizua dhe lojtari mbeti edhe për një tjetër sezon në radhët e Verder Bremenit. Megjithatë sulmuesi shqiptar e ka të qartë në kokën e tij se karrierën dëshiron ta kalojë një klub më të madh.
Një lajm i mirë vjen për të nga Italia. “Calciomercatoëeb.it” raporton se Milani ka rikthyer sërish pistën Rashica. Diaz dhe Kastijeho nuk kanë vendosur përfundimisht për të ardhmen e tyre, prandaj Maldini ka kthyer sërish sytë nga lojtari i përfaqësueses së Kosovës.
Një ofertë nga “djajtë” nuk do të refuzohej nga Rashica, që do të kishte rastin të luante përkrahë një gjiganti të futbollit europian, Zllatan Ibrahimoviç. Gjithashtu një pjesëmarrje në Champions League do të joshte edhe më tepër futbollistin shqiptar./Halit Delibashi-Sport Ekspres/