Zlatan Ibrahimoviç do të kthehet me Kombëtaren e Suedisë dhe gjithçka duket e mbyllur. Sulmuesi që po kalon formë të mirë me Milanin, “ka marrë këpucët e varura në gozhdë” dhe është kthyer sërish te Kombëtarja, pavarësisht tërheqjes që kishte bërë më parë.
Mediat në Suedi kanë raportuar arritjen e marrëveshjen me trajnerin Janne Anderson, ndërsa takimi i parë i tyre ka ndodhur në muajin nëntor duke folur për rikthimin sa i përket ndeshjeve të marsit. Sipas të gjitha gjasave Ibrahimoviç do të luajë në Kosovë kundër dardanëve në ndeshjen e 28 marsit e vlefshme për kualifikueset e Botërorit. /Sport Ekspres/