Nga Klaudio Ndreca
Gentian Selmani ka zhvilluar paraqitje fantastike me Menemesporin, teksa ka arritur të bind të gjithë në Turqi se është portieri më i mirë në ligën e parë. Kjo ka tërhequr vëmendjen e shumë skuadrave të njohura dhe që luajnë në kampionate më prestigjoze.
Mediat turke raportojnë së fundmi se tre ekipe të Serisë A po e kërkojnë Selmanin. Bëhet fjalë për Sasuolon, Udinezen dhe Bolonjën që duhet të paguajnë shifrën e 1.5 milionë eurove të vendosura nga ana e skuadrës për Selmanin. Ndërkohë vetë trajneri Laleci u shpreh për median tonë se portieri shqiptar duhet të kalojë njëherë në elitën e Turqisë, pastaj për të kërkuar Seria A. /Sport Ekspres/