Astrit Selmani ka gjetur golin e tij të parë në Kupat e Europës. Futbollisti shqiptar ka luajtur titullar në duelin e Hamarbi kundër Mariborit, ku ka shënuar dy herë brenda një harku kohor prej 9 minutash. Sulmuesi i talentuar ka tundur rrjetën në minutën e 55, duke i dhënë epërsinë e përkohshme suedezëve.
Megjithatë festa e tij zgjat pak, pasi Maribor do të barazonte përsëri. Por Selmani nuk do të ndalej me kaq, teksa në minutën e 64-t është përsëri ai që e dërgon topin pas shpinës së portierit kundërshtar./Halit Delibashi-Sport Ekspres/