Pritet vetëm prezantimi, pasi Riza Durmisi ka kaluar me sukses kontrollet mjekësore në klinikën Paideia në Romë dhe tashmë është shqiptari i radhës që bashkohet me Lacion.
Pse fat të keq, nuk luan për kombëtaren shqiptare, por atë daneze, sepse ka lindur në Danimarkë, por rrënjët e tij nuk i ka harruar kurrë.
Mbrojtësi i majtë i ka kushtuar Lacios 7 milionë euro, plus 15% e kartonit i përket Betisit, në rast shitjeje nga Lacio.
Vetë mbrojtësi do të fitojë 1,6 milionë euro në sezon, tre herë më shumë se paga aktuale te Betisi.
Klubi spanjoll e bleu në vitin 2016 nga Brondbi për vetëm 2 milionë euro, por klubi danez do të arkëtojë tashmë edhe 20% të vlerës së shitjes, rreth 900 mijë euro.
Në sezonin e fundit Durmisi luajti 24 ndeshje në La Liga, me 2 gola e 3 asiste, por çuditërisht nuk shkoi dot në Kupën e Botës, edhe pse ishte titullar në kualifikuese dhe ishte i pranishëm edhe në miqësoret e marsit për Danimarkën.