Mbrëmjen e nesërme, duke nisur nga ora 19:00, Shqipëria do të luajë miqësoren e dytë, atë kundër Suedisë. Këta të fundit pësuan një humbje të thellë kundër Portugalisë pak ditë më parë dhe ndaj kuqezinjve synojnë të zbehin imazhin e keq që ka lënë disfata e fundit. Portieri i Suedisë ka deklaruar për mediat se kanë parë shumë video nga humbja me Portugalinë dhe nesër duan t’i tregojnë tifozëve se duan të luajnë një futboll sulmues.
“Kemi parë shumë klipe. Kemi parë së tepërmi golat që kemi pësuar. Ka probleme me pozicionimin. Seanca stërvitore e së shtunës ishte një lloji të qetë, me shumë udhëzime taktike. Por është tjetër gjë të kuptosh një mënyrë të të luajturit kur shikon video ose merr udhëzime në fushën stërvitore dhe tjetër gjë ta zbatosh atë në ndeshje. Është e rëndësishme për ne që të dalim të hënën dhe të tregojmë se kemi mësuar diçka. Shpresoj që do t’i tregojmë suedezëve se ne jemi për futboll sulmues”, ka thënë Robin Olsen./Halit Delibashi-Sport Ekspres/