Italia do të luajë ndeshjen e parë në Euro 2024 kundër Shqipërisë. Axurrët e nisin rrugëtimin ndaj kuqezinjve, por syninimi i tyre është që t’i shkojnë deri në fund kësaj gare. Në një intervistë të dhënë për “La Gazzetta dello Sport”-in, Spaleti ka shpalosur ambicien e tij. Ai e ka bërë të qartë se ka si objektiv fitimin e Kampionat Europian dhe më pas fitimin e Kupës së Botës.
“Më duhet të nxjerr një Kombëtare të fortë, nuk jam i kënaqur me asgjë. Dua të fitoj Kampionatin Europian dhe më pas të fitoj Kupën e Botës. Fjalimet që i bëj ekipit janë ato që pret çdo Italian: Ne shkojmë në Gjermani për të fituar, jo për të marrë pjesë. Historia jonë e kërkon këtë. Për ta bërë këtë, unë kam nevojë që këta lojtarë të bëhen më të mirë. Nuk kam kohë për t’i stërvitur”, ka thënë Luçiano Spaleti./Halit Delibashi-Sport Ekspres/