Juventus apo Inter? Kjo është dilema e madhe që është ngritur në mediat italiane sa i përket Marash Kumbullës. Versione të ndryshme kanë dalë deri tani, por një gjë është e sigurtë, lojtari kuqezi do të bëjë një hap të madh në karrierë.
Ndërkohë gazetari italian, Marko Buciantini, i ka shtruar rrugën Kumbullës duke u shprehur se ky mbrojtës është gati për të shkuar te Interi. Këtë duke e lidhur me skemën e përbashkët që përdorë Verona dhe Interi, duke e pasur më të lehtë për përshtatjen në skemë.
“Kumbulla është lojtar shumë i mirë, Kumbulla është duke luajtur në një ekip që është për “Europa League”. Verona është duke luajtur me skemën 3-5-2, në të njëjtën mënyrë si Antonio Conte, me shumë dinamizëm. Kumbulla është shumë i fortë, pavarësisht ekipit që do e blejë, do të bëjë një investim të madh”, u shpreh Buciantini. /Sport Ekspres/