Milani ka ndeshjen më të rëndësishme për titullin kampion. Kuqezinjtë kanë një avantazh prej dy pikësh ndaj rivalëve të qytetit, Interit në dy javë para fundit të Serisë A dhe një sfidë e madhe për skuadrën e Stefano Piolit arrin të dielën kur shfaqet Atalanta në San Siro.
Fitorja e Milanit dhe humbja e mundshme Interit në Cagliari do t’i sillte titullin kuqezinjëve, por ka shumë mundësi që gjithçka të vendoset në javën e fundit.
Drejtuesit e Serisë A kanë caktuar edhe një arbitër për të vendosur drejtësinë në këtë ndeshje. Ata vendosën për më të mirën, ndaj Daniele Orsato do të udhëheqë ndeshjen në fushën e San Siros të dielën.
Megjithatë, ky gjyqtar me përvojë nuk është shumë fatsjellës për kuqezinjtë. Milani nuk ka fituar në San Siro për 12 vjet kur ai i gjykon dhe fitorja e fundit e tyre ishte më 6 janar 2010, kur mposhti Genoan 5:2. /Sport Ekspres/