Visar Bekaj do ta mbylli aventurën e tij te Tirana. Lojtari ka rënë në dakortësi me klubin për t’u shitur përpara se t’i skadojë kontrata, në mënyrë që edhe bardheblutë të përfitojnë nga kartoni i portierit.
Por ku do të shkojë Bekaj? “Gazeta Blic Sport” raporton se futbollisti i Tiranës ka pasur ofertë nga një klub i elitës së futbollit në Turqi, që qëndron në mesin e tabelës. Deri tani nuk mësohet ende saktësisht emri i ekipit, megjithatë shanset janë që Bekaj të luajë në këtë kampionat nga sezoni i ardhshëm. /Sport Ekspres/