Roland Çelmeta ishte i ftuar në emisionin “Botërori Katar 2022“ në “Ora TV“, ku ka bërë një parashikim për finalen e Kupës së Botës. Ai vlerëson individët që ka në përbërje Franca, por në fund sheh të triumfojë shpirti dhe forca argjentinase.
“Ne ishim fatlumë që pamë Mesin të luante gjithë këto vite. Ekipi i Argjentinës vërtetë është rreth Mesit, por ka shumë lojtarë të mirë. Do të luajë Argjentina që përfaqëson Amerikën Latine përballë Euro-Afrikës do të thoja. Është një ekip miksazh. Individë të Francës bëjnë dallime, por unë them që shpirti dhe forca që ka Argjentina, që erdhi duke u ngritur nga ndeshja në ndeshje, do të triumfojë”, ka thënë Roland Çelmeta./Halit Delibashi-Sport Ekspres/