Prania e sistemit VAR do të jetë risia e madhe e Kategorisë Superiore sezonin e ardhshëm.FSHF ka bërë një investim serioz që kap shifrën e 1 milionë eurove për të minimizuar sa më shumë polemikat për gjykimin e ndeshjeve. Ndeshja e parë zyrtare ku do të aplikohet kjo teknologji do të jetë Superkupa e Shqipërisë,mes Teutës dhe Vllaznisë.
Ndërkohë sot ka ndodhur edhe testimi i parë i VAR-it në vendin tonë. Ndeshja mes Teutës U19 dhe Juventusit U19 ka qenë prova e rëndësishme e këtij sistemi për Shqipërinë. Sa i përket aplikimit zyrtar në Superiore, do të jetë e mundur që të zhvillohen deri në tre takime njëkohësisht të pajisura me VAR./Halit Delibashi-Sport Ekspres/