Nuk ka më dyshime se kush do të jetë në krye të Vllaznisë, pasi administratori do të jetë Suad Lici, drejtori teknik, Alban Hasani, ndërsa trajner Ervis Kraja. Dilema e vetme lidhet me momentin se kur do të prezantohen nga Bashkia drejtuesit e rinj të klubit.
U mendua se sot do të marrë drejtim puna në klubin kuqeblu, por nuk është e thënë të ndodhë kështu. Burime të ndryshme pranë drejtuesve të rinj bëjnë me dije se ende nuk është përcaktuar një datë fikse se kur do të zyrtarizohen në drejtimin e klubit kuqeblu.
Vllaznia është shumë vonë me përgatitjet, pasi ekipit e Kategorisë së Parë kanë nisur me punën, ndërsa kuqeblutë nuk kanë lëvizur ende asnjë tull. Nuk dihet se si do të shkojë situata e tyre, pasi as futbollistët që do të jenë pjesë e grupit nuk dihen.