Tirana ka thelluar sërish diferencën në tabelën e renditjes, ku gjendet plot 9 pikë përpara Kukësit të vendit të dytë. Verilindorët nuk e shfrytëzuan atë humbje të javës së shkuar të bardhebluve ndaj Teutës, teksa janë mposhtur sot në transfertën kundër Laçit. E për t’ja shtuar më tepër hidhërimin mendon vetë klubi kryeqytetas me postimin e fundit në faqen e vetë zyrtare.
Tirana ka shëprndarë edhe renditjen e Kategorisë Superiore pas përfundimit të javës së 30, ku paraqet emrin e skaudrës bardheblu të shkëputur nga pjesa tjetër e tabelës dhe i bashkangjit fjalët: “Distancim social”. Një ironi kjo nga kryeqytetasit, që me siguri nuk ka për t’i pëlqyer Orges Shehit dhe Kukësit, që e shohin të vështirë të rrëzojnë nga froni Tiranën për të rrëmbyer kështu titullin kampion./Halit Delibashi-Sport Ekspres/
