Komisioni i Disiplinës ka dhënë gjykimet e tij për javën e dytë të kampionateve shqitpare të futbollit. Superiorja ka qenë “e mbarë” në javën që lamë pas, teksa në vendimet e Disiplinës nuk gjendet asnëj dënim për ekipet e elitës së futbollit shqitpar. Ndërkohë ndryshe ndodh në kategoritë e tjera.
Këtë vit duket se nuk ka paqe për Luftëtarin. Ekipi gjirokastrit është futur në probleme të thella dhe pas përjashtimit nga Kupa e Shqipërisë për sezonin e ardhshëm, tashëm i duhet t’i thotë lamtumirë edhe Kategorisë së Parë. Bluzinjtë nuk u paraqitën në fushën e lojës për të zhvilluar dy ndeshjet e para dhe për këtë arsye duhet të vuajnë pasojat. Gjtihashtu zbritje një kategori më poshtë ka edhe për një tjetër ekip, teksa Spartaku përjashtohet nga Kategoria e Dytë dhe vitin që vjen duhet të marrë pjesë në Kategorinë e Tretë të futbollit shqiptar./Halit Delibashi-Sport Ekspres/
Vendimet e plota:
1. Lojtari i KF Erzeni, Xhino Ngjela për sjellje josportive ndaj zyrtarit të ndeshjes, në bazë të nenit 48/2/a të KDS, dënohet me 4 (katër) ndeshje pezullim nga aktiviteti.
2. FC Besa, në bazë të nenit 12 të KDS, paralajmërohet se në rast të përsëritjes së dështimit në përmbushjen e përgjegjësive, do të jetë subjekt i masave disiplinore që parashikon Kodi i Disiplinës Sportive dhe Rregulloret e FSHF.
3. KF Luftëtari, për braktisjen e ndeshjes së vlefshme të Kategorisë së Parë kundër KF Turbina, në bazë të nenit 54/1 të KDS dhe Nenit 109/2/d/e të Rregullores së Veprimtarisë Futbollistike, humbet ndeshjen në tavolinë me rezultatin 3-0, përjashtohet nga aktiviteti për sezonin futbollistik 20/21 duke u zbritur një kategori më poshtë.
4. Lojtari i FK Skrapari, Skedi Shabani për sjellje josportive ndaj zyrtarëve të ndeshjes, në bazë të nenit 48/2/a të KDS, dënohet me 6 (gjashtë) ndeshje pezullim nga aktiviteti.
5. Skënderbeu Femra, për dështim në përmbushjen e përgjegjësive në ndeshjen kundër Apolonia – Femra në bazë të Neneve 30 dhe 64 të KDS humbet ndeshjen në tavolinë me rezultatin 3-0.
6. KF Spartaku, për dështim në pjesëmarrjen në Kampionati Kombëtar i Kategorisë së Dytë në bazë të nenit të 27 te KDS dhe Nenit 109/2 të Rregullores së Veprimtarisë Futbollistike përjashtohet nga Kampionati Kombëtar i Kategorisë së Dytë per sezonin 20/21 dhe dënohet me zbritje në një kategori më të ulët.