Dinamo do të përballet kundër Skënderbeut në takimin e vlefshëm për çerekfinalen e Kupës së Shqipërisë. Kjo ndeshje i sjell tifozëve të Dinamos aromën e Superiores dhe ka pasur një interesim të madh nga ana e tyre.
Por fatkeqësisht dëshira për ta parë ndeshjen nga stadiumi nuk mund të realizohet nga rregullat që ka vendosur Qeveria e Shqipërisë për shkakun e COVID-19. Nëpërmjet një reagimi në faqen zyrtare, Dinamo siguron tifozët se do të jenë lojtarët që do të luftojnë për ta. /Sport Ekspres/
