Partizani është në luftë me të pamundurën teksa kërkon që të arrijë suksesin kundër Bazelit në “Conference League”. Futbolli dëshmon edhe surpriza, por misioni i të kuqëve shihet më shumë sesa i vështirë. Diferencat në letër janë të mëdha mes të dy ekipeve në fjalë.
Sipas vlerës së marrë nga “Transfermarkt”, Bazeli kushton në total 42.5 milionë euro. Nga ana tjetër Partizani kap vlerën e 4.1 milionë eurove me lojtarët që ka në përbërje. Pra në total zviceranët “peshojnë” 10 herë më shumë sesa ekipi shqiptar duke treguar diferencën në letër. /Sport Ekspres/