Julia Putintseva është një teniste kazako-ruse, e cila në moshën 22-vjeçare ka arritur disa rezultate të mira në tenis dhe ka mbërritur deri në çerekfinalet e French Open në vitin 2016, por ndërkohë është bërë e famshme edhe për një arsye tjetër: ka një karakter shumë të keq dhe shpesh në ndeshjet e saj sillet keq me arbitrat ose me trajnerët.
Ditët e fundit ka bërë xhiron e botës një video ku Putintseva, pa e ditur që po filmohej nga afër, i hakërrehet trajnerit të saj Roman Kislianski, duke e ofenduar në mes të fushës (“A je idiot?”), me arsyen se ai nuk po e shihte, nuk po duartrokiste kur ajo merrte pikë dhe nuk e po ndihmonte fare si trajner.
Më pas Putintseva i kërkoi falje publike me një postim në Instagram trajnerit të saj.