Luke Shaw ishte një nga ata lojtarë që mori respektin dhe duartrokitjet e të gjithëve me paraqitjet e bëra në Kampionatin Europian. Mbrojtësi anglez dha një kontribut mjaft të madh në linjën e majtë të Kombëtares së “tre luanëve”. Shaw ishte ai që në finalen e “Wembley”-t bëri një komb të gjithin të ëndërrojë, teksa që në minutën e dytë tronditi italianët me golin e shënuar, i cili në fund nuk do të mjaftonte për të ngritur lart trofeun. Por performanca e tij merr një vlerë shumë herë më të madhe tashmë që Euro 2020 ka përfunduar.
Në media zbulohet se futbollisti i Manchester United ka luajtur me brinjë të thyera gjatë fazës me eliminim direkt. Ky lëndim u pësua në ndeshjen e1/8-ve kundër Gjermanisë, por duket se Shaw e ktheu dhimbjen në forcë dhe nuk u ndal për asnjë moment. Mbrojtësi anglez luajti 3 përballje me brinjë të thyera, megjithëse në fushë nuk u dallua aspak për shkak të nivelit mjaft të lartë të shfaqur nga Luke Shaw./Halit Delibashi-Sport Ekspres/
Luke Shaw played against Germany, Ukraine, Denmark and Italy with broken ribs.
And he still finished Euro 2020 with three assists and a goal in the final. pic.twitter.com/I9Ugt5LDze
— B/R Football (@brfootball) July 20, 2021