E vështirë për t’u besuar, por në Kroaci jo të gjithë pëlqejnë Luka Modriçin. Megjithëse është një nga mesfushorët më të mirë të botës, sërish në drejtim të tij ka ofendime. Fyerje që për të dhembin dyfish kur vijnë nga Kroacia.
Hajduku i Splitit ka zhvilluar një takim miqësor me Shalken, të cilin e ka fituar me rezultatin 4-3. Pikërisht në këtë takim, tifozët në shkallët e stadiumit kanë vendosur të fyejnë kapitenin e Kombëtares së tyre. “Luka Modriç ti m**i vogël”, është fraza që dëgjohet të thuhet nga gojët e tifozëve të Hajdukut të Splitit. Modriç e ka nisur karrierën e tij te Dinamo e Zagrebit, i cili është edhe rivali kryesor i Hajdukut të Splitit në Kroaci./Halit Delibashi-Sport Ekspres/