Reali i Madridit e ka nisur disi në mënyrë të çuditshme këtë sezon të ri. Ekipi spanjoll dështon me ekipet e vogla dhe nuk arrin dot rezultatet pozitive, por sa vijnë përballjet me ekipe të mëdha nuk gabon asgjë në rezultat. Dy provat më të mira janë ndeshjet kundër Barcelonës në “La Liga” dhe kundër Interit në “Champions League”.
I pyetur mbi këtë fakt, trajneri Zidan ka dhënë edhe shpjegimin e tij. “Kur gjithçka nis të bëhet e komplikuar, këta lojtarë japin përgjigje dhe e tejkalojnë. Kështu ka qenë gjithmonë, ka edhe disa momente të vështira pasi lojtarët janë njerëz. Reagimi është i mirë nga ana jonë dhe i besoj këtyre futbollistëve”, ka thënë Zidan. /Sport Ekspres/