Bernardo Silva ishte heroi i Manchester City kundër Realit të Madridit në fitoren 4-0. Sigurisht që fitorja ishte në shifrat e thella, por dy golat e parë të takimit u shënuan nga Bernardo Silva. Qytetarët po humbisnin shumë raste të pastra dhe në të kaluarën është parë një situatë e ngjashme, ku Reali përfitoi për të kaluar më tej.
Për këtë arsye golat e Bernardo Silvës kanë shumë vlerë. “Nuk jam ndierë mirë pas ndeshjes së parë. Më është dashur të luaj shumë më mirë sonte për hir të shoëkve të skuadrës, por edhe të tifozëve. Unë jam futbollist shumë i shkurtër, i vogël dhe i imët, por në kokën time jam shumë mirë, kjo ishte vendimtare në këtë moment”, tha Silva. /Sport Ekspres/