Mjafton një gol nga Aleks Sandro dhe Juve nuk e ndjen mungesën e Dibalës dhe Manxhukiçit, duke fituar 1-0 derbin ndaj Torinos.
Rutinë, asgjë e re, sepse Juve ka vite që dominon ndaj Toros. Sot nuk ishte ndeshje e bukur, Juve nuk bëri shumë, por shënoi golin që i duhej dhe menaxhoi shkëlqyeshëm avantazhin.
Bardhezinjtë momentalisht në krye dhe me të qetë pas barazimit ndaj Totenhemit, të paktën në Serinë A nuk kanë rivalë veç Napolit.
Nëntë fitore rresht në Serinë A, për herë të fundit Juve e bënte në vitin 2016. Megjithatë, u dëmtua Higuain dhe ky është shqetësimi madhor për Alegrin në këtë moment.