105 milionë euro që tani, mbi 40 milionë në bonuse, Dembele ka ka kaluar nga Dortmundi te Barcelona dhe është bërë futbollisti i dytë më i shtrenjtë në histori, pas Nejmarit, të cilit i merr vendin në formacionin e Barcelonës.
Dortmundi bën një biznes marramendës, sepse vjet e pagoi vetëm 14-15 milionë sulmuesin e talentuar, por rezistenca e gjatë ndaj ofertave të Barças e paska pasur një arsye madhore.
Realisht, Dortmundi ka arkëtuar më pak, sepse 25% të kartonit të sulmuesit të talentuar e kishte mbajtur ish-klubi i tij, Rena.
Me largpamësi të admirueshme, Rena duroi një vit dhe tani arkëton edhe rreth 21 milionë euro, e pakta. Me siguri, lajmin e mbylljes së transferimit e ka festuar më shumë klubi francez, se vetë Dembele.