Vllaznia luajti dje ndeshjen e parë kualifikuese në Ligën e Konferencës në Belfast, mijëra kilometra larg Shqipërisë. Por distanca e largët nuk i pengoi tifozët shkodranë të ishin të pranishëm në stadium, ku megjithse të pakët në numër dëgjoheshin më tepër se sa tifozët vendas. Klubi kuqeblu ka shpërndarë sot një postim në faqen zyrtare në “Facebook”, ku i falenderon për praninë e tyre në Irlandën e Veriut.
“Tifozët të pranishëm në “National Football Stadium” at “Windsor Park”, Belfast UK.
Shumë kilometra për të ndjekur ekipin e zemrës. Faleminderit! UEFA Europa Conference League. 13 Korrik 2023″, ka shkruar klubi Vllaznia, ndërsa më poshtë ka bashkëngjitur edhe disa foto të tifozerisë kuqeblu./Sport Ekspres/
