De Biazi ka dhënë një tjetër rrëfim për mediat italiane. Këtë herë trajneri ka prekur edhe të shkuarën e tij, ku sigurisht kulmi i suksesit për të ishte dërgimi i Shqipërisë në Europianin e Francës. Por përtej shumë temave dhe fjalëve të diskutuara më parë, vërtet interesant është një pohim i dhënë për “Stadiosport”.
I pyetur nga gazetari nëse fakti që shumë lojtarë shqiptarë po luajnë tani në Serinë A pasi kualifikimi që i solli Shqipërisë në Europian ishte një pikë kthese për futbollin tonë, De Biazi iu përgjigj në këtë mënyrë: “Po, dhe nuk mendoj se është rastësi që shumë shqiptarë luajnë sot në Serinë A. Sigurisht që ishte një nxitje e madhe dhe kjo më jep shumë kënaqësi”, tha mes të tjerash De Biazi. /Sport Ekspres/